今朝一早就要準備幫老兵留尿, 因為下午要見醫生驗血, 驗尿, 順便檢查腫了的前腳關節. 其實近兩天他已經沒有一跛一跛地走路了, 但還是有小許腫.
誰不知老兵八時便起床小解了, 兩老朝急了一個早上, 好不容易等到12時, 終於有尿可以留起. 但老爸出門時居然忘了帶!!!!! 去到診所, 問千醫生可否明天再帶來, 不過醫生話驗血和驗血最好同一天進行. 老爸千萬個不願意但沒法啦, 唯有又辛苦老兵一次, 要插喉取尿了.
醫生將一條呎多長的幼喉插入老兵體內.
先令部份尿液流出
然後再用針筒將膀胱內的尿液抽出來.
抽尿用的喉管.
抽完尿便要抽血, 一如以往, 醫生都要在老兵的頸上剃光一小撮毛, 這次流到媽媽不情願了. 不過今次醫生輕手了, 沒有從前剃得那麼多.
老兵看完便輪到我. 皆因最近我的耳朵常常都很多污垢, 兩老懷疑我耳朵發炎, 希望不是耳蝨啦.
結果醫生說我的耳內非常清潔, 只是外耳有小許發炎吧, 不是細菌感染. 但為安全起見, 都要吃點葯和滴消炎耳水, 而且早晚都要清潔耳朵. 但一個好消息, 葯要與牛油同服.
步出診症室, 發覺整個診所都擠滿人, 老爸還是先帶我們上車, 由老媽等取藥及付錢.
這隻狗應該是脊骨有事, 由三個義工及一個應該是打理狗場的婆婆帶來. 他們還提起大黑B, 說比起大黑B, 他應該問題不算太嚴重.
雖然今天結帳要二千多個大洋, 不過老兵的驗身結果是一切正常, 除了是過重導致關節炎復發之外, 腎功能的問題沒有惡化, 所以老兵今日起要節食喇! 其實他有腎的問題一向都要小心飲食, 但老爸梗是心軟, 今次要認真忍手了.
嘩, dr. 千又比你係咁影相相咁鬼好0既........老冰抽尿情況好恐怖咁呀,
回覆刪除[版主回覆11/05/2007 10:42:00]係呀, 佢仲叫助護應該要望鏡頭笑添.
其實之前都抽過好多次, 有時就算記得帶黎, 佢又話太少唔夠驗, 都要抽, 所以都見怪不怪, 我估應該係唔痛既, 不過梗有唔舒服, 同核突咁囉, 仲要漏到一枱尿, 好在老兵都夠淡定, 如果係Spicy, 肯定要迷暈先抽倒!
Spicy媽
老兵，你好橙呀要抽尿！點解會唔記得帶架，搞到老兵咁辛苦～～～
回覆刪除[版主回覆11/05/2007 16:13:00]係啦, 中午時老爸仲懶醒咁話已經幫佢留咗尿....
最緊要報告係一切正常，小小節食算得乜，不過要老豆節制吓就真
回覆刪除[版主回覆11/05/2007 14:39:00]噚日淨係見老媽一日鴿住老豆仲辛苦過睇住我地啦. 遲下有趴地老媽子唔得閒參加就靠各位叔伯姨姨喝住老豆喇. 查實每次去完趴地, 老兵都會有幾日唔正常咁飲水同尿尿, 所以為安全起見, 佢真係要小心飲食, 尤其是係噚日開始我地打算幫佢減藥.
bingo, 報告冇事辛苦都值得, 加油-忍下口!!
回覆刪除[版主回覆11/05/2007 14:40:00]多謝你, 我地要同你老公一起奸爸爹呢!
最緊要賢功能正常，食少d都無所謂啦~
回覆刪除[版主回覆11/05/2007 14:42:00]咪係! 希望減咗藥都OK啦.
插喉取尿真係幾得人驚, 就算唔痛都替老兵辛苦, 不過好彩一切正常.. 以老兵呢個年紀,要佢戒lee樣戒個樣, 真係唔忍心, 但為左佢好, oldman都要學狠心d至得..
回覆刪除[版主回覆11/05/2007 22:57:00]係啦, 老豆就係成日覺得仲食得幾多年呀, 所以就咩都分d比佢, 再咁落去, 唔係老兵病死, 係老媽激死先!
老兵你好叻呀...
回覆刪除我哋都proud of u 呀...
你要努力呀...
[版主回覆11/05/2007 22:59:00]多謝. 佢咁定當, 真係省咗大家唔少麻煩, 令老媽都覺得自己好勇敢, 有時晌診所見倒d女主人連狗狗打針都要出黎回避, 話唔敢睇喎, 真係無義氣!
bingo好勇敢，第一次見原來係咁抽尿好驚呀，希望bingo健健康康！
回覆刪除[版主回覆11/05/2007 22:59:00]多謝!
bingo, 好叻叻, 我只係睇相都覺痛, 希望你健康快樂地成長啦
回覆刪除我昨天起都開始比白菜菜放在乾既狗糧面比小牧食，希望佢可以成功減到肥啦，其實以份量比例來講， 狗糧份量比細狗還要少呀．！！
回覆刪除狗狗無事就好啦 ！ 希望佢地永遠都健健康康 ！