為了慶祝老兵又平安渡過三個月, 兩老帶了我們去泰廸咖啡店吃下午茶.
老兵, 你不是以為熱狗是給你吃的吧....難道你又想蛋白質超標?
那我可以吃漢堡包嗎? 至多咖啡留給你.
既然沒我們的份兒, 兩老快點吃啦, 吃完要帶我們出去逛逛.
我們到了西九龍海傍, 即浪澄灣樓下.
嘩, 門口很有氣派呀.
面前是一條短短的海濱長廊, 其實我家樓下也有一條更大更美的, 奈何不淮狗隻進入!
另一邊是兩片小小的草地.
也有人放狗.
還有人帶鸚鵡來散步呢!
不過我太愛湊熱鬧, 老媽要我遠離兩只鸚鵡....哼! 我們家以前也有啦, 但沒有人信我是沒有惡意的! 我唯有被困在草地的另一端.
老兵你個樣一ｄ都唔老！
回覆刪除[版主回覆11/05/2007 14:34:00]係呀, 好多人話我一頭白髮個樣仲老過佢, 不過如果佢打開個口, 比人見倒一棚煙屎牙的話.....
又熱狗又漢堡包，想引死人咩..
回覆刪除[版主回覆11/05/2007 14:35:00]其實我同老兵都分倒小小包邊同菜菜架. 以前細個果陣呀媽都會分小小熱狗腸過我地吃, 不過近年就無lu.
西九海傍都幾靚喎!!
回覆刪除[版主回覆11/05/2007 14:44:00]係呢, 果兩隻poodle係專登來影相的. 我見我地無拖繩, 管理員都無出聲, 唔知第日入咗伙都仲係咪咁好.
Bingo一知道無得食就即刻笑唔出囉...
回覆刪除原來Spicy你哋以前都有養鸚鵡架? Lolo屋企依家都有兩隻細嘅...
[版主回覆11/05/2007 22:54:00]我知啦, 你唔記得咗講過我知嗱.
http://hk.myblog.yahoo.com/bingospicy/article?mid=1347
咦, 你果時話3隻架? 有無相睇呀?
咩話...?鸚鵡都要散步..??
回覆刪除[版主回覆11/05/2007 22:48:00]都要架, 成日都見d呀伯帶籠雀去公園啦. 個女主人仲係大咗肚, 真係好, 好鍾意見倒人地大肚都唔會捨棄d寵物.
spicy係咪你過份熱情呢所以唔俾你同鸚鵡玩？
回覆刪除[版主回覆11/05/2007 22:50:00]我想埋去睇下之嘛, 不過一埋去佢地就霹靂拍嘞咁飛起晒, 搞到老媽子鬼咁唔好意思拿拿臨過去捉開我, 不過佢一鬆手, 我又去過, 最後要老豆要奉召到場!
呢度幾靚喎..之前劉生成日擺架車係隔離個爛地, 個時經過, 都無發覺原來咁正..
回覆刪除又有野食真係好,成日都搵到地方食野!
回覆刪除唉....你同老兵真係惨, 成日出去吃飯, 都係有得睇無得吃
回覆刪除愛狗的你，這個星期日，來遊行吧！
回覆刪除http://hk.myblog.yahoo.com/missbethwong/article?mid=4415&new=1
咁係咪以後唔使食藥呀??
回覆刪除[版主回覆11/10/2007 00:13:00]嗄? 你話老兵呀? 梗唔係啦, 藥要食一世架. 只不過其中有一隻藥宜家可以開始試隔兩日先食一次, 但就要再重頭一個月驗一次血同尿. 試三個月睇下有無惡化.
鸚鵡都去街好小見 ，如果比Terry仔同Toby哥見到就唔得掂！
回覆刪除